ESG

საქართველოს ჯანდაცვის ჯგუფმა 2025 წელს ქართული კაპიტალის ბაზრის ისტორიაში ლარში დენომინირებული ყველაზემსხვილი ადგილობრივი ემისია განახორციელა და 350 მილიონი ლარის ოდენობის უზრუნველყოფილი სოციალური ობლიგაციები განათავსა, რომელიც Scope Ratings-ის მიერ BB რეიტინგით შეფასდა. ემისიაში მონაწილეობა მიიღეს როგორც ადგილობრივმა კომერციულმა ბანკებმა და საპენსიო ფონდმა, ასევე, საერთაშორისო ფინანსურმა ინსტიტუტებმა: საერთაშორისო საფინანსო კორპორაციამ (IFC) და აზიის ინფრასტრუქტურის საინვესტიციო ბანკმა (AIIB). ობლიგაციების განთავსების აგენტები არიან Galt & Taggart და TBC Capital. ემისიას სოციალური ობლიგაციების სტატუსი აქვს მინიჭებული - მოზიდულ თანხებს GHG სოციალური პროექტების დაფინანსებისა და არსებული სესხების რეფინანსირებისთვის იყენებს. გარემოსდაცვითი, სოციალური და მმართველობითი (ESG) ობლიგაციების მიმართ ქვეყანაში ინტერესი სულ უფრო იზრდება, შესაბამისად კომპანიისთვის პრიორიტეტულია თანხების ისეთი პროექტებისკენ მიმართვა, რაც არამხოლოდ ინვესტორებისთვისაა საინტერესო, არამედ ეკონომიკის მდგრად ზრდაზეც აისახება. (ESG) სტრატეგიის ფარგლებში, აღნიშნული სოციალური ობლიგაციის გამოშვება შეესაბამება „GHG“-ის მიზანს - გააუმჯობესოს ჯანდაცვის ხელმისაწვდომობა და მოახდინოს დადებითი სოციალური გავლენა. ობლიგაციებიდან მიღებული თანხა მიმართული იქნება მიზნობრივ სოციალურ ინიციატივებზე, რაც უზრუნველყოფს ფინანსურ მდგრადობას და ამავდროულად აუცილებელი სამედიცინო მომსახურების მიწოდებას ნაკლებად უზრუნველყოფილი თემებისთვის. 2025 წელს GHG-მ შეიმუშავა სოციალური ობლიგაციის ჩარჩო თავისი პირველი სოციალური ობლიგაციის გამოშვებისთვის მოსამზადებლად. ჩარჩოს შესახებ გაიცა დამოუკიდებელი შეფასება Scope ESG Analysis-ის მიერ, რომელმაც დაადასტურა მისი სრული შესაბამისობა 2023 წლის ICMA-ის სოციალური ობლიგაციების პრინციპებთან. Scope-მა ჩარჩოს მიანიჭა ტრანსფორმაციული ქულა (Transformative Human Score), რაც ხაზს უსვამს მის მნიშვნელოვან სოციალურ გავლენას და შესაბამისობას საქართველოს მდგრადი დაფინანსების ტაქსონომიასთან. ობლიგაციების დაფარვა, ანუ მისი ძირითადი თანხის და დარიცხული და გადაუხდელი სარგებლის (ასეთის არსებობის შემთხვევაში) გადახდა მოხდება 2030 წლის 17 სექტემბერს.

2025 წელს ჩვენი ჯანდაცვის ბიზნესი კვლავ პრიორიტეტად მიიჩნევდა ხარისხიან სამედიცინო მომსახურებაზე თანაბარი წვდომის უზრუნველყოფას და მნიშვნელოვანი რესურსები მიმართა საზოგადოებრივი ჯანმრთელობის ინიციატივებისკენ. წლის განმავლობაში განხორციელდა 10 უფასო სკრინინგ-პროგრამა ქვეყნის მასშტაბით, რომლებმაც დაახლოებით 13,679 ბენეფიციარი მოიცვა. პროგრამები ფარავდა საზოგადოებრივი ჯანმრთელობისთვის მნიშვნელოვან მიმართულებებს, მათ შორის ტუბერკულოზის მართვას, ონკოლოგიურ და C ჰეპატიტის სკრინინგს, ასევე ანტენატალურ მომსახურებას. აღნიშნული ინიციატივების პარალელურად, ჩვენი სპეციალისტები სოციალურად და ეკონომიკურად დაუცველ ჯგუფებს უფასო სამედიცინო მომსახურებას უწევდნენ, რისთვისაც 1.2 მილიონი ლარის რესურსი იქნა მიმართული. ასევე უზრუნველყოფილი იყო სტაციონარულ პაციენტებისთვის უფასო სისხლის გადასხმის სერვისი და სამედიცინო შემოწმებები ჩაუტარდა საქართველოს სოლიდარობის ფონდის 92 ბენეფიციარს. კლინიკების მიმართულებამ გააგრძელა აუცილებელ სამედიცინო მომსახურებაზე ხელმისაწვდომობის გაფართოება სტრატეგიული პარტნიორობების მეშვეობით. Liberty Bank-თან თანამშრომლობით გაგრძელდა პენსიონერებისა და სოციალურად დაუცველი პირებისთვის შეღავათიანი მომსახურების მიწოდება. 2020 წლის იანვრიდან ინიციატივამ უკვე 83,000-ზე მეტ პაციენტს მიაწოდა დაახლოებით 596,000 შეღავათიანი სერვისი. ამასთან, Bank of Georgia-სთან პარტნიორობით გაფართოვდა „Healthy Club“-ის პროექტი, რომელიც ჯანსაღი ცხოვრების წესის პოპულარიზაციასა და სამედიცინო მომსახურებაზე 40%-მდე ფასდაკლებას გულისხმობს. 2022 წლის იანვრიდან პროგრამის ფარგლებში კლინიკებმა დაახლოებით 1,020,000 მომსახურება გაუწიეს 233,000-ზე მეტ „Healthy Club“-ის წევრს. „GHG“ სოციალური პასუხისმგებლობისადმი ერთგულების ფარგლებში არის ერთადერთი პროვაიდერი პედიატრიულ ონკოლოგიაში საქართველოში და უზრუნველყოფს უფასო მკურნალობას სახელმწიფო დაფინანსების პროგრამის ფარგლებში. 2025 წელს „ჯგუფმა“ ონკოლოგიური დაავადებების მქონე 451 ბავშვს უმკურნალა და ონომატოლოგიური მკურნალობა გაუწია 78 პაციენტს. „ჯგუფი“ ასევე განაგრძობს ინვესტირებას ჯანდაცვის მომსახურების ხელმისაწვდომობის გაზრდაში სოციალურად დაუცველი მოსახლეობისთვის. „კომპანია“ მხარს უჭერს საქართველოს სოლიდარობის ფონდს და თანამშრომლობს საქველმოქმედო ორგანიზაციებთან, რათა შეთავაზოს შეღავათიანი მომსახურება ლეიკემიითა და სიმსივნეებით დაავადებულ ბავშვებს. ლეიკემიითა და ონკოლოგიური დაავადებებით დიაგნოზირებული ბავშვების მხარდამჭერ საქველმოქმედო ორგანიზაციას ჯგუფმა ყველა სამედიცინო სერვისზე 20%- იანი ფასდაკლება შესთავაზა. 2025 წელს მეგალაბმა წამოიწყო ექსპერტებზე დაფუძნებული ციფრული ცნობიერების ამაღლების ინიციატივა სახელწოდებით — „Doctors’ Chronicles with Megalab“. კამპანიამ გააერთიანა სხვადასხვა სპეციალობის წამყვანი ექიმები, რათა ფართო საზოგადოებისთვის გაეზიარებინათ სანდო და მარტივად გასაგები ჯანმრთელობასთან დაკავშირებული ინფორმაცია. მოკლე საგანმანათლებლო ვიდეოებისა და ინტერვიუების სერიის საშუალებით — რომლებიც შეიქმნა მეგალაბთან თანამშრომლობით და გავრცელდა მეგალაბის ციფრულ პლატფორმებზე — კამპანიამ გააშუქა ჯანმრთელობის აქტუალური საკითხების ფართო სპექტრი. თითოეული ეპიზოდი მიზნად ისახავდა რთული სამედიცინო თემების გამარტივებას და მკაფიო, სამეცნიერო საფუძველზე დამყარებული რეკომენდაციების მიწოდებას, რომელთა გამოყენებაც ადამიანებს ყოველდღიურ ცხოვრებაში მარტივად შეეძლოთ. „Doctors’ Chronicles with Megalab“-ის მთავარი მიზანი იყო საზოგადოების ჯანმრთელობის განათლების დონის ამაღლება, პრევენციისა და ადრეული დიაგნოსტიკის ხელშეწყობა, ასევე დროული ლაბორატორიული კვლევების მნიშვნელოვანი როლის წარმოჩენა კეთილდღეობის შენარჩუნებაში. 2025 წელს ჩვენი ჯანდაცვის ბიზნესმა წარმატებით დაასრულა ექვსთვიანი ინიციატივა — „კეთილდღეობის მარათონი“, რომლის მიზანი იყო ჯანსაღი ცხოვრების წესის პოპულარიზაცია, ჰოლისტიკური კეთილდღეობის შესახებ ცნობიერების გაღრმავება და თანამშრომლების წახალისება, რომ აქტიურად იზრუნონ საკუთარ ფიზიკურ და ფსიქიკურ ჯანმრთელობაზე. პროგრამის განმავლობაში თანამშრომლები მჭიდროდ თანამშრომლობდნენ სპეციალურად დანიშნულ ჯანმრთელობის ქოუჩებთან და ნუტრიციოლოგებთან, ისახავდნენ ინდივიდუალურ კეთილდღეობის მიზნებს და ეტაპობრივად აღწევდნენ მათ. მონაწილეებს სრულად უფინანსდებოდათ სამედიცინო შემოწმებები, კეთილდღეობის მონიტორინგის ინსტრუმენტები და ფიზიკური აქტივობის პროგრამები, რაც მათ საშუალებას აძლევდა თვალყური ედევნებინათ პროგრესისთვის და შეენარჩუნებინათ მოტივაცია. ჩართულობის გასაძლიერებლად, მარათონი ასევე მოიცავდა პროფესიულ ვორქშოპებსა და სემინარებს — მათ შორის სტრესის მართვის სესიებს ფსიქოლოგის მონაწილეობით, კვების თემატიკის სემინარებს, მოძრაობის ვორქშოპებს და კეთილდღეობაზე ორიენტირებულ სხვა აქტივობებს. აღნიშნულმა აქტივობებმა თანამშრომლებს მისცა პრაქტიკული ცოდნა და უნარები, რომლებიც ყოველდღიურ ცხოვრებაში გამოიყენება. შედეგები მნიშვნელოვნად დადებითი აღმოჩნდა — მონაწილეებმა აღნიშნეს ცხოვრების წესის გაუმჯობესება, სტრესისადმი გამძლეობის ზრდა და ჯანსაღი ჩვევების დამკვიდრება. პროგრამამ, რომელიც თანაბრად უსვამდა ხაზს როგორც ფიზიკურ, ისე ფსიქიკურ კეთილდღეობას, კიდევ ერთხელ გაამყარა ჩვენი ერთგულება ისეთი მხარდამჭერი, ჯანმრთელობაზე ორიენტირებული და ინკლუზიური სამუშაო გარემოს შექმნისადმი, სადაც თანამშრომლები თავს გაძლიერებულად გრძნობენ და სრულყოფილად ვითარდებიან. ნეიროდივერსიული ბავშვების მშობლები ხშირად აწყდებიან მუდმივი თერაპიული მხარდაჭერისა და ყოველდღიურ ცხოვრებაში ემოციური და ქცევითი სირთულეების მართვის პრაქტიკული ინსტრუმენტების ნაკლებობას. ამ გამოწვევებზე პასუხად, მემორანდუმის ფარგლებში განხორციელებული პირველი ინიციატივა — McLain Association for Children-ის მხარდაჭერით — არის პროგრამა „QST: მასაჟთერაპია აუტიზმის სპექტრის მქონე ბავშვებისთვის“. QST პროგრამა მშობლებს აძლევს შესაძლებლობას დამოუკიდებლად დაეხმარონ შვილებს სენსორული და ემოციური რეგულაციის პროცესში, თერაპევტის მუდმივი ჩართულობის გარეშე. თანამშრომლობის შედეგად, საქართველოში სოციალურად და ეკონომიკურად მოწყვლადი [ხუთი] ოჯახი სრულად დაფინანსდა და მიიღო წვდომა მაღალი ხარისხის თერაპიულ ტრენინგზე, რაც სხვა შემთხვევაში მათთვის მიუწვდომელი იქნებოდა. 2025 წელს „ქარავმა“ ასევე წამოიწყო „Green Light“ — ერთობლივი საპილოტე პროგრამა ორგანიზაციასთან Speak Up, რომელიც მიზნად ისახავს შეზღუდული შესაძლებლობის მქონე ბავშვების მარტოხელა დედების მხარდაჭერას. სლოვაკეთის საერთაშორისო განვითარების თანამშრომლობის სააგენტოს დაფინანსებით, „Green Light“ პროგრამა 25 მშობელს შესთავაზებს თერაპიულ და საგანმანათლებლო სესიებს, ხოლო 60 მშობელს — ჯგუფურ საგანმანათლებლო მოდულებს. პროგრამა მოიცავს ინტენსიურ ფსიქოთერაპიას, კოგნიტურ-ქცევით თერაპიას, ნეიროლინგვისტურ პროგრამირებას, ონლაინ ფსიქოსაგანმანათლებლო სესიებს, შეზღუდული შესაძლებლობის მქონე პირების უფლებების შესახებ ტრენინგებს, პერსონალურ ქოუჩინგსა და ურთიერთმხარდაჭერის ვორქშოპებს. ამასთან, 2025 წელს წარმატებით დასრულდა ბავშვთა განვითარების საერთაშორისო პროგრამის მეორე ციკლიც. მონაწილეებმა გაიარეს ათი ვორქშოპი, რომლებიც მიზნად ისახავდა ბავშვებსა და მათ მზრუნველებს შორის მგრძნობიარე და მხარდამჭერი ურთიერთობის გაძლიერებას, რაც ხელს უწყობს ემოციური კეთილდღეობისა და მდგრადობის განვითარებას როგორც ოჯახებში, ისე საგანმანათლებლო გარემოში.

GHG, როგორც ჯანდაცვის მომსახურების მიმწოდებელი, ერთგულია პაციენტების კეთილდღეობის უზრუნველყოფის მიმართ. ბიზნესის თვალსაზრისით, კომპანია წარმოადგენს ქვეყანაში უმსხვილეს მომსახურების პროვაიდერს, რომელიც ფარავს საქართველოს მოსახლეობის დაახლოებით სამ მეოთხედს და ჰოსპიტალური საწოლების რაოდენობით ბაზრის 14%-იან წილს ფლობს. კომპანიას აქვს ამბიციური საშუალო და გრძელვადიანი მიზნები, რომლებიც მიმართულია ძირითადი ოპერაციების გაუმჯობესებაზე, პროექტების ხარისხის ამაღლებაზე, დიჯიტალიზაციის განვითარებასა და ახალი მომსახურებების დანერგვაზე. ამასთან, GHG-ის ბიზნესსტრატეგია, შესაძლებლობის ფარგლებში, მდგრადობისა და კორპორაციული სოციალური პასუხისმგებლობის (CSR) პრინციპებს აერთიანებს თავის ძირითად ოპერაციებში, რაც გამყარებულია მდგრადობის სტრატეგიითა და დირექტორთა საბჭოს მიერ დამტკიცებული გარემოსდაცვითი და სოციალური პოლიტიკით. GHG-მ ახლახან ოფიციალურად ჩამოაყალიბა მდგრადობის სტრატეგია, რომელიც გრძელვადიან გავლენაზეა ორიენტირებული და მიზნად ისახავს ჯანდაცვაზე ხელმისაწვდომობის, გარემოსდაცვითი მაჩვენებლებისა და ოპერაციული მდგრადობის გაუმჯობესებას. სტრატეგია მოიცავს ძირითად საკვანძო ეფექტიანობის მაჩვენებლებს (KPIs) ხუთ სტრატეგიულ მიმართულებაში, რომელთა მიღწევაც 2030 წლისთვის არის დაგეგმილი. Scope 1 ემისიების 15%-იანი შემცირება ერთ პაციენტზე; სამედიცინო ნარჩენების 10%- იანი შემცირება ერთ პაციენტზე; სამედიცინო პერსონალის მინიმუმ 30%-იანი წლიური ტრენინგის მაჩვენებელი; რეგიონულ ჰოსპიტლებში პაციენტთა მიღების 15%-იანი ზრდა; რეგიონულ ჰოსპიტლებში საწოლფონდის დატვირთვის მაჩვენებლის 10%- იანი ზრდა აღნიშნული KPIs ყოველთვიურად იქნება მონიტორინგის ქვეშ და ინტეგრირებული იქნება ოპერაციული გადაწყვეტილებების მიღების პროცესში. მდგრადობის სტრატეგიისგან დამოუკიდებლად, GHG გარემოსდაცვითი და სოციალური პოლიტიკის ფარგლებში აღიარებს თავისი საქმიანობისა და ინფრასტრუქტურის შესაძლო უარყოფით ზემოქმედებებს. აღნიშნული პოლიტიკა არა მხოლოდ განსაზღვრავს ჯგუფის მდგრადობის მიმართულებით აღებულ ვალდებულებებს, არამედ აღწერს გარემოსდაცვითი და სოციალური რისკების მართვის პროცედურებს, რომლებიც მიზნად ისახავს ამგვარი პოტენციური ზემოქმედებების შემცირებას. ეს პროცედურები მოიცავს ტრანზაქციების კატეგორიზაციასა და კვალიფიკაციას, შეფასებასა და კონტროლს, ასევე მონიტორინგსა და ანგარიშგებას. ამ პროცესს ავსებს სტრატეგიაში განსაზღვრული KPI-ზე დაფუძნებული სამოქმედო გეგმები, რომლებიც დეტალურად აღწერს განხორციელების მექანიზმებს ისეთ მიმართულებებში, როგორიცაა პერსონალის ტრენინგი, დისტანციური კონსულტაციების განვითარება, ნარჩენების შემცირება და საავადმყოფოების რესურსების ოპტიმიზაცია. GHG სოციალური ასპექტების მიმართულებითაც მრავალ აქტივობას ახორციელებს. იმის გათვალისწინებით, რომ კომპანიის მთავარი როლი ჯანდაცვის სფეროშია, სხვადასხვა საგანმანათლებლო კამპანიებისა და კეთილდღეობის ინიციატივების მეშვეობით იგი ხელს უწყობს საზოგადოებრივი ჯანმრთელობის გაუმჯობესებას და დაავადებების შესახებ ცნობიერების ზრდას საქართველოში. იმ მოსახლეობისთვის, რომელიც ქვეყნის სამი მთავარი ქალაქის გარეთ, მათ შორის ხშირად მთიან და შედარებით მიუწვდომელ რეგიონებში ცხოვრობს (დაახლოებით მოსახლეობის 60%), GHG უზრუნველყოფს უფასო სამედიცინო შემოწმებებსა და სკრინინგებს სპეციალისტთა რეგულარული ვიზიტების მეშვეობით, რაც ხელს უწყობს ჯანდაცვაზე რეგიონული უთანასწორობის შემცირებას. გარემოსდაცვითი მიმართულებით, GHG იცავს ეროვნულ საკანონმდებლო მოთხოვნებს, რომლებიც ვრცელდება ყველა საავადმყოფოზე, კლინიკაზე, ლაბორატორიაზე, ინფრასტრუქტურასა და პერსონალზე. ამასთან, კომპანია ახორციელებს გარემოზე ორიენტირებულ პროექტებს, რომლებიც მიზნად ისახავს საავადმყოფოების უფრო ეკოლოგიურად მდგრადად ფუნქციონირებას. ასეთ ინიციატივებს შორისაა დიჯიტალიზაციის პროცესი ქაღალდის ნარჩენების შემცირების მიზნით, ასევე ნარჩენების მართვის დამატებითი პრაქტიკები სამედიცინო და ბიოლოგიური ნარჩენების შესამცირებლად. აღნიშნულმა ღონისძიებებმა ხელი შეუწყო სამედიცინო ნარჩენების მოცულობის შემცირებას 2023 წლის 762 ტონიდან 2024 წელს 250 ტონამდე. ეს არსებული ქმედებები დამატებით გამყარებულია მდგრადობის სტრატეგიით განსაზღვრული მიზნით, რომელიც ითვალისწინებს 2030 წლისთვის ერთ პაციენტზე წარმოქმნილი სამედიცინო ნარჩენების 10%-ით შემცირებას, ასევე ემისიებისა და ეფექტიანობის მაჩვენებლების გაუმჯობესებას. მიუხედავად იმისა, რომ გარემოსდაცვითი KPI-ების უმეტესობა დაკავშირებულია ჩარჩოს ფარგლებში განხორციელებული გავლენის ანგარიშგებასთან, ისინი მაინც ასახავს, თუ როგორ აკონტროლებს ჯგუფი საკუთარ პროგრესსა და საერთო მდგრად გავლენას. კომპანია აგრძელებს ენერგოეფექტურობის, ციფრული პროცესების და ოპერაციული მართვის გაუმჯობესებაზე მუშაობას, რათა მომავალშიც შეამციროს გარემოზე ზემოქმედება, პარალელურად კი უზრუნველყოს მაღალი ხარისხის სამედიცინო მომსახურების ხელმისაწვდომობა ქვეყნის მასშტაბით. აღნიშნულის ფარგლებში, რამდენიმე კლინიკა მუშაობს მზის ელექტროსადგურების ენერგიით, რაც წარმოადგენს მნიშვნელოვან ნაბიჯს განახლებადი ენერგიის გამოყენების ზრდისა და ენერგიის მოხმარების უფრო მდგრადი მართვისკენ.

გრძელვადიანი ვალდებულების ფარგლებში — ღირსეული შრომის ხელშეწყობისა და საქართველოში ჯანდაცვის სფეროს პროფესიონალების პროფესიული განვითარების მხარდასაჭერად — 2025 წელს ჩვენმა ჯანდაცვის სერვისების ბიზნესმა მნიშვნელოვნად გააფართოვა სწავლებისა და განათლების პროგრამები. სპეციალიზებული სასწავლო ცენტრების, საერთაშორისო პარტნიორობებისა და თანამედროვე ციფრული პლატფორმების მეშვეობით, გავაგრძელეთ ინვესტირება მაღალკვალიფიციური და მომავლისთვის მზად სამუშაო ძალის განვითარებაში. გარემოსდაცვითი, სოციალური და მმართველობის პასუხისმგებლობა 44 ჩვენი ჰოსპიტალური ბიზნესი სპეციალური სასწავლო ცენტრის მეშვეობით უზრუნველყოფს როგორც სავალდებულო, ასევე ოპტიმალურ სამედიცინო და არასამედიცინო ტრენინგ პროგრამებს. წლის განმავლობაში ტრენინგი წარმატებით დაასრულა ჯამში 5,050-მა თანამშრომელმა, მათ შორის 2,766 ონლაინ კურსის, ხოლო 2,284 საკლასო სესიის ფარგლებში, რაც ორგანიზაციაში უწყვეტი პროფესიული განვითარების გაძლიერებას ემსახურება. 2025 წელს განსაკუთრებული ყურადღება დაეთმო საექთნო განათლების პროგრამას, რომელიც განხორციელდა USAID-თან პარტნიორობით. პროგრამა მოიცავს სავალდებულო სამედიცინო ტრენინგებს ექიმებისა და ექთნებისთვის, ასევე დამატებით საბაზისო კურსებს მედიკამენტების დოზირებაში, ანატომიასა და ფიზიოლოგიაში და საექთნო ძირითადი პროცედურებში. USAID-მა ასევე განახორციელა სპეციალიზებული მოდულები, მათ შორის: ინტენსიური თერაპიის საექთნო საფუძვლები, ტრავმის მართვა (Trauma Life Support) და ქირურგიული და თერაპიული პათოლოგიების საექთნო მართვა. კლინიკური პერსონალის გაძლიერება დამატებით განხორციელდა რესპირატორული თერაპიის ექთნების გადამზადების პროგრამის ფარგლებში, რომელიც განხორციელდა European Bank for Reconstruction and Development (EBRD)- თან, Vian Training Centre-თან და AIMS Association-თან თანამშრომლობით. პროგრამა წარმატებით დაასრულა საქართველოს ხუთი რეგიონიდან 90-მა ექთანმა, რომლებმაც გაიარეს 32-ზე მეტი ონლაინ ლექცია. საუკეთესო შედეგის მქონე 10 ექთანმა პრაქტიკული უნარების გაღრმავების მიზნით იმოგზაურა იტალიაში და ეწვია ისეთ წამყვან დაწესებულებებს, როგორებიცაა University of Padua, Padua Clinic, ასევე Cittadella-სა და Mestre-ს ჰოსპიტლები. აღნიშნულმა ინიციატივამ მნიშვნელოვნად გააძლიერა რესპირატორული თერაპიის ეროვნული შესაძლებლობები — მიმართულება, რომელსაც საქართველოს ჯანდაცვის სისტემაში მზარდი მნიშვნელობა აქვს. USAID-თან და Vian Training Centre-თან თანამშრომლობით ასევე დასრულდა მასშტაბური საექთნო პროფესიული განათლების პროექტი, რომელშიც ჩართული იყო 275 ექთანი გადაუდებელი მედიცინის, ინტენსიური თერაპიისა და ქირურგიული მიმართულებებიდან. პროექტის ფარგლებში დაინერგა ინოვაციური ელექტრონული სასწავლო პლატფორმა, რომელიც აერთიანებს ვიდეოლექციებს, სასწავლო მასალებსა და თვითშეფასების ტესტებს, უახლესი კლინიკური გაიდლაინების შესაბამისად. ინიციატივის ფარგლებში ასევე შეიქმნა რამდენიმე ახალი რეგიონული სასწავლო ცენტრი, მათ შორის ორი OSCE-ით აღჭურვილი სიმულაციური ცენტრი, რაც ექთნებს საშუალებას აძლევს პრაქტიკული გამოცდილება მიიღონ რეალისტურ, პრაქტიკაზე ორიენტირებულ გარემოში. ამასთან, Evex Learning Centre კვლავ ინარჩუნებს წამყვანი უწყვეტი სამედიცინო განათლების პროვაიდერის პოზიციას საქართველოში. 2025 წელს ცენტრმა გადაამზადა 843 ექთანი (როგორც თანამშრომლები, ასევე კანდიდატები), 2,769 ექიმი და 1,391 ადმინისტრაციული პერსონალი და მენეჯერი.

EKIMO წარმოადგენს ინოვაციურ, დამოუკიდებელ და სრულად ინტეგრირებულ ციფრულ ჯანდაცვის პლატფორმას, რომელიც აერთიანებს პირველადი ჯანდაცვის ყველა ძირითად სერვისს — მათ შორის ექიმებს, კლინიკებს, ლაბორატორიებს, რადიოლოგიურ ცენტრებს, საცალო აფთიაქებსა და სამედიცინო დაზღვევას. პლატფორმა 2020 წლის მარტში ამოქმედდა და ის ღიაა ქვეყანაში მოქმედი ყველა ჯანდაცვის პროვაიდერისა და სამედიცინო პროდუქციის მომწოდებლისთვის. EKIMO მომხმარებლებისთვის სრულიად უფასოა და უზრუნველყოფს ჯანდაცვის ეკოსისტემაზე მარტივ და უწყვეტ წვდომას — მათ შორის ვიზიტების დაჯავშნას, ონლაინ კონსულტაციებს, გადახდის სერვისებსა და აფთიაქიდან წამლების მიტანის მომსახურებას. დაარსებიდან დღემდე, EKIMO მნიშვნელოვნად გაიზარდა და აერთიანებს 1,037,787 ექიმის ქსელს 17,516 კლინიკიდან, რომელთა ნახევარი დამოუკიდებელი, მესამე მხარის პროვაიდერია.2021 წელს EKIMO-მ მიიღო ოქროს ჯილდო გარემოსდაცვითი და სოციალური ინოვაციის კატეგორიაში European Bank for Reconstruction and Development-ის Sustainability Awards-ზე

კომპანიის თითოეული წევრი საკუთარ როლს თამაშობს კომპანიის წარმატებასა და მომხმარებლისთვის ხარისხიანი მომსახურეობის მიწოდებაში. თანამშრომელთა რიცხვი 2025 წლის 31 დეკემბრის მდგომარეობით 11,152-ს შეადგენდა. კომპანია სტანდარტულ რეჟიმში განიხილავს ყველა დასაქმების აპლიკაციას, რომელიც შშმ პირების მიერ არის გამოგზავნილი და უზრუნველყოფს რომ მათ ჰქონდეთ კარიერული განვითარების საჭირო ყველა ბერკეტი და თანასწორ, სამართლიან გარემოში უწევდეთ მუშაობა.