ვინ ვართ ჩვენ

ჯგუფში დანერგილი ინტეგრირებული მართვის მოდელი პაციენტების ეფექტურ მართვას უზრუნველყოფს: საჭიროების შემთხვევაში, ადგილობრივი ექიმების რეკომენდაციით, პაციენტები კლინიკებიდან შეუფერხებლად გადამისამართდებიან სპეციალიზებულ ან რეგიონულ ჰოსპიტლებში კომპლექსური და სრულფასოვანი სამედიცინო მომსახურების მისაღებად. ამასთანავე, სპეციალიზებული სასწრაფო დახმარების სერვისი გარანტიას იძლევა, რომ სისტემის შიგნით პაციენტის ტრანსპორტირება შესაბამის დაწესებულებაში დროულად და კოორდინირებულად განხორციელდება. გარდა ამისა, როგორც ბაზისური, ისე სპეციფიკური დიაგნოსტიკის საჭიროებისას, პაციენტებს შესაძლებლობა აქვთ ისარგებლონ კავკასიის რეგიონში ყველაზე დიდი მულტიპროფილური ლაბორატორიის მომსახურებით, რომელიც ერთ სივრცეში აერთიანებს მაღალტექნოლოგიურ კლინიკურ და პათოლოგიურ დეპარტამენტებს.

ჩვენ უზრუნველყოფთ ხელმისაწვდომი, მაღალი ხარისხის და პაციენტზე ორიენტირებული სამედიცინო მომსახურების მიწოდებას მთელი საქართველოს მასშტაბით და სისტემურად მნიშვნელოვან როლს ვასრულებთ ჯანდაცვის ინფრასტრუქტურის განვითარებაში.

ჩვენი საქმიანობა მოიცავს სამედიცინო განათლებას, ციფრულ ტრანსფორმაციას და კლინიკური ხარისხის გაუმჯობესებას საერთაშორისო აკრედიტაციის სტანდარტების დაცვით.

უმაღლესი დონის კორპორაციული მართვისადმი მტკიცე ერთგულება ჩვენი კომპანიის მთავარ პრიორიტეტად რჩება, რაც მკაცრი ინსტიტუციური სტანდარტების მუდმივ დაცვას უზრუნველყოფს. ამ ვალდებულების შესაბამისად, ქვემოთ შეგიძლიათ გაეცნოთ და იხილოთ აღნიშნული დოკუმენტაცია.