ჩვენი ბიზნეს მოდელი
ჩვენ ვმოქმედებთ პაციენტების მოზიდვაზე ორიენტირებული, მაღალი ინტეგრაციის მქონე ბიზნესმოდელით. ჰოსპიტლები და პოლიკლინიკები ორგანიზებულია კონკრეტულ გეოგრაფიულ კლასტერებში, რათა მომსახურება მიეწოდოს პაციენტების მაქსიმალურად ფართო სპექტრს შემდეგი სტრუქტურის ფარგლებში:
• სპეციალიზებული საავადმყოფო: მომხმარებელს სთავაზობს კომპლექსური და სპეციალური სერვისების ფართო სპექტრს, სტაციონარულ და ამბულატორიულ სერვისებს.
• რეგიონული საავადმყოფო: მომხმარებელს სთავაზობს გაფართოვებულ აბულატორიულ სერვისებს, ასევე რიგ მულტიპროფილურ სტაციონარულ სერვისებს.
• კლინიკა: მომხმარებელს სთავაზობს მხოლოდ ამბულატორიულ სერვისებს.
• დიაგნოსტიკური ცენტრი: მომხმარებეელს სთავაზობს როგორც საბაზისო ლაბორატორიულ ტესტებს, ასევე ონკოლოგიურ და მოლეკულურ კვლევებს მაღალი სიმძლავრის ავტომატიზებული სისტემების დახმარებით.
კლინიკური თვალსაზრისით, ჩვენ ვზრდით ექიმების და ექთნების ახალ თაობას და ვაუმჯობესებთ სამედიცინო პროცესების მართვის ხარისხს. საშუალოვადიან პერსპექტივაში, ჩვენი მიზანი მედპერსონალის ცოდნის გაღრმავება და გამოცდილების მიღების ხელშეწყობაა განათლების გაღრმავებისა და პროფესიული განვითარების წახალისებით. უმთავრეს პრიორიტეტს კი სხვადასხვა ღონისძიების და პროცესის დანერგვით კლინიკებში მომსახურების ხარისხის გაუმჯობესება წარმოადგენს. საქართველოს სამედიცინო სექტორში საწოლფონდის დეფიციტის პრობლემის გადაჭრის მიზნით, 2023 წლის სექტემბერში ძალაში შევიდა ახალი სახელმწიფო რეგულაცია, რომელმაც სამედიცინო დაწესებულებებს ბევრად მაღალი სტანდარტები დაუწესა და ჰოსპიტლებში თითოეულ საწოლზე გამოყოფილ ფართობთან დაკავშირებით მოთხოვნები წაუყენა. ახალ რეგულაციებთან შესაბამისობის მიზნით, ჩვენს ჰოსპიტლებში სარემონტო სამუშაოები დაიწყო.კლინიკების ბიზნესი მნიშვნელოვნად განვითარდა, რაც მოსახლეობაში ჯანდაცვის საკითხებთან დაკავშირებით ცნობიერების ამაღლებამ გამოიწვია. ასევე, ზრდის პოტენციალი განპირობებული გახლდათ ბაზრის კონსოლიდაციით, რაც, თავის მხრივ, განაპირობა ქსელის გაფართოებამ, ახალი სერვისების დამატებამ და მომხმარებელთა რაოდენობის ზრდამ. 2023 წელს კომპანიამ დაამატა სისხლის ჩაბარების ორი ახალი პუნქტი და ინვესტიცია ბრენდის მარკეტინგსა და იმიჯში ჩადო. შედეგად, კოვიდ 19-ის პანდემიის დროს ბრენდის ცნობადობა კიდევ უფრო გაიზარდა. ბიზნეს სტრატეგია ახალი პაციენტების მოზიდვისა და უკვე არსებული რესურსის სრულად ათვისებისკენ არის ორიენტირებული. მომავალში ჩვენ განვაგრძობთ რეგისტრირებული პაციენტების ბაზის გაფართოებას, გავზრდით წვდომას სამედიცინო და პირად მომსახურებებზე და განვავითარებთ ისეთ მიმართულებებს, როგორიცაა ცხელი ხაზი. გარდა ამისა, მეტი კომფორტისთვის მუდმივად უმჯობესდება უკვე არსებული ციფრული პლატფორმები და ონლაინ-აპლიკაცია. დიაგნოსტიკური მიმართულება უფრო მეტად ორიენტირებული იქნება დატვირთვის ზრდაზე (ამჟამად დიაგნოსტიკური მომსახურებები შეადგენს მთლიანი მომსახურების მხოლოდ 60%-ს) ქსელის გაფართოების, B2B კლიენტების მოზიდვის და ახალი სერვისებისა და ტექნოლოგიების დამატებით. კლინიკური თვალსაზრისით, გავაგრძელებთ უმაღლესი სტანდარტის კლინიკური პროცესების ზედამხედველობას, ხოლო გრძელვადიან პერსპექტივაში - აკრედიტირებული სასწავლო ცენტრის მეშვეობით გავაერთიანებთ სასწავლო პლატფორმას, ორდინატურასა და სამეცნიერო კვლევების ცენტრს.
დიდი და სპეციალიზებული ჰოსპიტლები
კავკასიის მედიცინის ცენტრი - კავკასიის მედიცინის ცენტრი („CMC“) არის საქართველოში პირველი მრავალპროფილური რეფერალური ჰოსპიტალი, რომელსაც მინიჭებული აქვს „JCI“-ის აკრედიტაცია - ჯანდაცვის სფეროში პაციენტზე ორიენტირებული ზრუნვის ოქროს სტანდარტი. როგორც წამყვანი სამედიცინო დაწესებულება, CMC სთავაზობს მაღალტექნოლოგიურ დიაგნოსტიკურ და სამკურნალო მომსახურებებს, მათ შორის ძვლის ტვინის ტრანსპლანტაციას, რქოვანის გადანერგვას, კარდიოლოგიასა და გულსისხლძარღვთა ქირურგიას, ნევროლოგიასა და თერაპიას, ზოგად ქირურგიას, თორაკალურ ქირურგიას, გინეკოლოგიურ ჩარევებს, ონკოჰემატოლოგიასა და ორთოპედიულ-ტრავმატოლოგიურ ოპერაციებს.
კარაპს მედლაინი (დიღმის ფილიალი) - კარაპს მედლაინის დიღმის ფილიალი არის თანამედროვე, მაღალი სტანდარტების მრავალპროფილური კლინიკა. საწყის ეტაპზე, კლინიკის მთავარ მიმართულებას პლასტიკური და რეკონსტრუქციული ქირურგია წარმოადგენდა, დღეისათვის სთავაზობს სრულყოფილ სტაციონარულ და ამბულატორიულ მომსახურებებს. მათ შორისაა ინ ვიტრო განაყოფიერება, გინეკოლოგია, საოფისე გინეკოლოგია, ზოგადი ქირურგია, მამოლოგია და ორთოპედ-ტრავმატოლოგია. ჰოლისტურ და პაციენტზე ორიენტირებული მიდგომით სამედიცინო ცენტრი თითოეულ შემთხვევას კონსილიუმის მეთოდით განიხილავს, რაც უზრუნველყოფს მულტიდისციპლინურ შეფასებასა და მკურნალობას.
კარაპს მედლაინი (ვაკის ფილიალი) - კარაპს მედლაინის ვაკის ფილიალი საერთაშორისო სამედიცინო სტანდარტებით შექმნილი ესთეტიკური კლინიკაა, რომელიც პაციენტებს სილამაზეზე ზრუნვას კლინიკური გამოცდილების ბაზაზე სთავაზობს. ხელმისაწვდომია დერმატო-კოსმეტოლოგია (სამკურნალო და მოვლის აპარატურული, ინექციური და არაინექციური პროცედურები), პლასტიკური ქირურგია, ესთეტიკური გინეკოლოგია (კონსულტაცია, კოლპოსკოპია Dysis, MonaLisa Touch) და სხეულის გაჯანსაღებაზე ორიენტირებული თერაპია. გამორჩეული სერვისია პერსონალური მოვლა, რაც ჯანსაღი ცხოვრების წესის დაგეგმვა-კონსულტირებას გულისხმობს. კარაპს მედლაინის ვაკის ფილიალი აღჭურვილია თავის მოვლის პროცედურებისთვის განკუთვნილი უახლესი თაობის, ინოვაციური აპარატურით, რომელიც აღიარებულია FDA-ის (აშშ-ის საკვებისა და წამლის მარეგულირებელი სააგენტოს) მიერ.
მ. იაშვილის სახელობის ბავშვთა ცენტრალური საავადმყოფო - მ. იაშვილის სახელობის ბავშვთა ცენტრალური საავადმყოფო მე-3 დონის ერთადერთი მულტიპროფილური, რეფერალური პედიატრიული კლინიკაა საქართველოში. იაშვილის კლინიკა, რომელიც 260 საწოლზეა გათვლილი, უზრუნველყოფს ყველა სახის ამბულატორიულ და სტაციონარულ მომსახურებას. ხელმისაწვდომია ისეთი მაღალტექნოლოგიური და უნიკალური სერვისები, როგორიცაა - ონკოლოგია, ჰემატოლოგია, ტოქსიკოლოგია, ჰემოდიალიზი, ნეიროქირურგია, თორაკალური ქირურგია, რეკონსტრუქციული და პლასტიკური ქირურგია. ოპერაციების უდიდესი ნაწილი ენდოსკოპიური მეთოდით ხორციელდება. იაშვილის ბავშვთა საავადმყოფოში ფუნქციონირებს ასევე გადაუდებელი სამედიცინო დახმარების განყოფილება.
ივ. ბოკერიას სახელობის საუნივერსიტეტო ჰოსპიტალი - ივ. ბოკერიას სახელობის საუნივერსიტეტო ჰოსპიტალი მრავალპროფილური სამედიცინო დაწესებულებაა, რომელიც მრავალწლიანი გამოცდილების მქონე მაღალკვალიფიციური მედპერსონალით არის დაკომპლექტებული. კლინიკის მისიაღირებულებები პაციენტებზეა ორიენტირებული, მათთვის 75 სრულყოფილი, უსაფრთხო და ხარისხიანი სამედიცინო მომსახურების მისაწოდებლად . ჰოსპიტალი ყველა ასაკისა და საჭიროების მქონე პაციენტს ემსახურება და უზრუნველყოფს სრულ ამბულატორიულ და სტაციონარულ სერვისს. მათ შორის, ფუნქციონირებს გადაუდებელი სამედიცინო დახმარების განყოფილება, რომელიც უზრუნველყოფს სწრაფ და ეფექტიან რეაგირებას გადაუდებელ სამედიცინო შემთხვევებზე.
დასავლეთ საქართველოს სამედიცინო ცენტრი - დასავლეთ საქართველოს სამედიცინო ცენტრი ვიანის ქსელში შემავალი ერთ-ერთი ყველაზე მსხვილი ჰოსპიტალია, სადაც ნებისმიერი ასაკის პაციენტისთვის (ნეონატალური, პედიატრიული და მოზრდილთა) სრული ამბულატორიული და სტაციონარული მომსახურებაა ხელმისაწვდომი. დასავლეთ საქართველოს მოსახლეობას მაღალტექნოლოგიური სამედიცინო მომსახურების მიღება რეგიონიდან გაუსვლელად შეუძლია. ჰოსპიტალმა, სხვა სამედიცინო სერვისებთან ერთად, წარმატებით და სრულად განავითარა კარდიოქირურგიული, ანგიოქირურგიული და ნეიროვასკულური სერვისები. ფუნქციონირებს საერთაშორისო სტანდარტების შესაბამისი ინსულტის მართვის ცენტრი. ასევე, კლინიკა უზრუნველყოფს მესამე დონის პერინატალურ სამსახურს, რომელიც მაღალი რისკის ორსულობის მართვასა და დაბალი წონის ახალშობილთა ინტენსიურ თერაპიას გულისხმობს. ჰოსპიტალში ხელმისაწვდომია ასევე გადაუდებელი დახმარების განყოფილება.
კრისტინა კილის სახელობის ონკოლოგიის ცენტრი - კრისტინა კილის სახელობის ონკოლოგიის ცენტრი დასავლეთ საქართველოს რეგიონში მოქმედი ერთადერთი სპეციალიზებული ჰოსპიტალია, სადაც ერთ სივრცეშია ხელმისაწვდომი სხივური და მედიკამენტური თერაპიის სამსახური. კლინიკა აღჭურვილია ულტრა-თანამედროვე სამედიცინო ინფრასტრუქტურით, მათ შორის, დამონტაჟებულია უახლესი ხაზოვანი ამაჩქარებლები, რაც რთულად მისადგომ სიმსივნურად დაზიანებულ უბნებში მიზნობრივ დასხივებას უზრუნველყოფს და გართულებებს მინიმუმამდე ამცირებს. რთული კლინიკური შემთხვევების განხილვაში, მულტიდისციპლინურ გუნდთან ერთად, ჩართულნი არიან ევროპასა და ამერიკაში მოღვაწე ქართველი და უცხოელი ექიმები.
რეგიონული და საზოგადოებრივი ჰოსპიტლები
„საქართველოს კლინიკები“ 27 რეგიონულ და საზოგადოებრივ ჰოსპიტალს აერთიანებს დედაქალაქსა და რეგიონებში. ჯგუფი“ აქტიურად ნერგავს და ავითარებს სამედიცინო მომსახურებებს მთელი ქვეყნის მასშტაბით, რაც უზრუნველყოფს როგორც საბაზისო, ისე ინოვაციური ჯანდაცვის ხელმისაწვდომობას ცენტრალურ ქალაქებსა და მთიან რეგიონებში. ქუთაისის რეფერალურ ჰოსპიტალში ნეიროქირურგიის დეპარტამენტი თანამედროვე მეთოდებით ახორციელებს თავის ტვინისა და ხერხემლის პათოლოგიების ქირურგიულ მკურნალობას. პროცედურები მოიცავს თავის ტვინისა და ხერხემლის სიმსივნეების ოპერაციებს, ხერხემლის დეგენერაციურლი დაავადებების ქირურგიულ მკურნალობას, ასევე თავის ტვინის, თავის ქალის ფუძის, თავის ქალის რკალის, ხერხემლისა და ზურგის ტვინის ტრავმული დაზიანებების ქირურგიულ მკურნალობას. საერთაშორისო აკრედიტაციის წარმატებით მიღების შემდეგ, ქარელის კლინიკამ მიიღო ქირურგიული და ინტენსიური თერაპიის სერვისების გაწევის ავტორიზაცია და დანერგა მრავალშრიანი კომპიუტერული ტომოგრაფიის მომსახურება. აღნიშნული ბიზნეს მიმართულება მოიცავს, მაგრამ არ შემოიფარგლება შემდეგი სამედიცინო დაწესებულებებით:
- თელავის რეფერალური ჰოსპიტალი;
- ქობულეთის ჰოსპიტალი;
- ფოთის ჰოსპიტალი;
- ზუგდიდის რეფერალური ჰოსპიტალი;
- ახალციხის რეფერალური ჰოსპიტალი;
- ახალქალაქის ჰოსპიტალი;
- ქუთაისის რეფერალური ჰოსპიტალი;
- ი. ციციშვილის სახელობის ბავშვთა კლინიკა;
კლინიკები
„ევექსი“ მართავს საქართველოში ყველაზე დიდ სამედიცინო კლინიკების ქსელს, რომელიც მოიცავს 15 კლინიკასა და ბავშვთა ნეიროგანვითარების ცენტრს „კარავს“. აღნიშნული მასშტაბური ქსელი უზრუნველყოფს მრავალპროფილურ ამბულატორიულ მომსახურებებს სხვადასხვა სპეციალიზაციის მიმართულებით და მაღალი ხარისხის, ხელმისაწვდომი ჯანდაცვის მომსახურების გაწევას ქვეყნის მასშტაბით. „ევექსის“ მიერ შეთავაზებული სამედიცინო მომსახურებები (სულ 42 მომსახურება) მოიცავს, მაგრამ არ შემოიფარგლება შემდეგით:
- ალერგოლოგია
- ანგიოლოგია
- გასტროენტეროლოგია
- დერმატოლოგია
- ენდოკრინოლოგია
- კარდიოლოგია
- ნევროლოგია
- ულტრასონოგრაფია
- ოფთალმოლოგია
- ოტორინოლარინგოლოგია (ENT)
- ორთოპედია/ტრავმატოლოგია
- პედიატრია
- ქირურგია
- თერაპია
- ჰემატოლოგია
ყოველი კლინიკა დაკომპლექტებულია მაღალკვალიფიციური სამედიცინო პერსონალით, რომელიც გამოირჩევა პაციენტზე ორიენტირებული მიდგომით. თანამედროვე სამედიცინო ტექნოლოგიების ინტეგრაცია და მომსახურების უწყვეტი გაუმჯობესებისკენ სწრაფვა წარმოადგენს „ევექსის“ მისიის საფუძველს - უზრუნველყოს ჯანმრთელი მომავალი თითოეული პაციენტისთვის მაღალი ხარისხის და ხელმისაწვდომი სერვისების შეთავაზებით.
დიაგნოსტიკა
„მეგალაბი“ წარმოადგენს კავკასიის რეგიონში უმსხვილეს დიაგნოსტიკურ, საგანმანათლებლო და სამეცნიერო ინოვაციურ ცენტრს, რომელიც ორიენტირებულია საუკეთესო შედეგებზე და მუდმივად ზრუნავს პაციენტის კმაყოფილებაზე. როგორც ქვეყნის წამყვანი ლაბორატორია, „მეგალაბი“ გამორჩეულ ყურადღებას უთმობს ინოვაციებს, უსაფრთხოებას და იმ შესაძლებლობების შექმნას, რომლებიც პასუხობს პაციენტების მუდმივად ცვალებად საჭიროებებს. „მეგალაბი“ ყოველდღიურად 2,000-ზე მეტ პაციენტს ემსახურება და ატარებს 7,000-ზე მეტ კვლევას, რაც წლიურად 2,700,000-ზე მეტ ანალიზს შეადგენს. ლაბორატორია აღჭურვილია 50-ზე მეტი თანამედროვე სამედიცინო აპარატურით და უზრუნველყოფს 800-ზე მეტ კვლევის ტიპს. ის თანამშრომლობს 150-ზე მეტ პარტნიორთან, მათ შორის საქართველოს წამყვან კლინიკებსა და სადაზღვევო კომპანიებთან. „მეგალაბი“ კვლავ ინარჩუნებს ლიდერის პოზიციას დიაგნოსტიკისა და ინოვაციების სფეროში, ასევე მუშაობს 24/7 რეჟიმში და მომხმარებლებს სთავაზობს დიაგნოსტიკური ტესტების სრულ სპექტრს. ჰოსპიტალური რესურსის უფრო ეფექტურად ათვისების მიზნით, გვსურს, ხელი შევუწყოთ პაციენტებისა და დასაქმებულების კმაყოფილების დონის ზრდას მთლიანი ქსელის მასშტაბით და გავზარდოთ ეფექტურობის მაჩვენებელი კლინიკური პროცესების დიჯიტალიზაციის გზით.
