კავკასიის მედიცინის ცენტრი

კავკასიის მედიცინის ცენტრი (CMC) „ვიან ჯგუფის“ ფლაგმანი, 250-საწოლიანი მულტიპროფილური ჰოსპიტალი და რეგიონის სამედიცინო ტურიზმის ჰაბია. ცენტრი დასავლური გამოცდილების მქონე მედიკოსებითაა დაკომპლექტებული და თვეში 10,000-ზე მეტ პაციენტს 200-ზე მეტ მაღალტექნოლოგიურ სერვისს სთავაზობს, მათ შორის ისეთ იშვიათ ინტერვენციებს, როგორიცაა ძვლის ტვინისა და რქოვანის ტრანსპლანტაცია. საერთაშორისო პაციენტებისთვის აქ ხელმისაწვდომია სამედიცინო კონსიერჟის მომსახურებაც. ჰოსპიტალი ფლობს ჯანდაცვის საერთაშორისო აკრედიტაციის უმაღლესი ორგანოს JCI-ის ოქროს ბეჭედს (The Gold Seal of Approval). ეს სტატუსი ადასტურებს, რომ ცენტრმა 1,200-მდე მკაცრი გლობალური სტანდარტი დანერგა და სრულად აკმაყოფილებს პაციენტზე ორიენტირებული ზრუნვის, მკურნალობის ხარისხისა და უსაფრთხოების უმაღლეს მსოფლიო მოთხოვნებს.